رواية لعنة العلياء "لعنة المقدمه" ( كامله جميع الفصول ) بقلم علياء عماد الدين
عشان اوضح ليكم عشان تكونوا فاهمين قبل ما تقروا عشان متحسوش انكم تايهين بوصم دول هيبقي شخصيات اللي بتقدملكم مقدمه اي روايه بعمالها بس علي طريقتي حبيت ابقي مختلفه و اقدمها بطريقه مختلفه متنسوش تقولولي رأيكم و التكمله هنزلها بكره الصبح و بليل الفصل الجديد للروايه
_______________
كنت قاعده في الصاله و عامله نفسي مشغوله في تحضير البحث بتاعي اللي هدخل بيه المسابقه بس في الحقيقه انا فارشه كل اوراق البحث ديه و الاقلام و فاتحه اللابتوب بتاعي و انا اصلا مش مركزه خالص في الموضوع انا بس عملت كل ده عشان مياخدونيش معاهم في المره ديه في التجمع العائلي اللي بيتعمل كل يوم جمعه في بيت في بيت الحج و الحجه الله يسترهم يا رب اللي معرفش ازاي متبروش منا لحد دلوقتي والله بسبب اللي بنعمله انا و اولاد عمامي و عماتي كل تجمع عائلي اللي بيتحول لفرح خالتي انشراح ده بيتهياقلي ده تكفير ذنوب مع ان شايفه ان لو كان ابو لهب كان زمان ذنوبه خلصت يلا مش قصتنا المهم انا اتحججت و قولتلهم ان هقعد عشان اكمل البحث عشان معاد تسليمه قرب و انا لسه مكتبتش غير العنوان مع ان والله كان نفسي احضر الفرح اللي بيحصل كل يوم جمعه اللي انا ببقي من احدي الاسباب الرئيسيه في حدوث هذا الحدث العظيم بس يلا و الواحد لازم يضحي برده عشان يرضي فضوله هموت و اعرف ايه اللي موجود في الصندره مخلي بابا و ماما قافلينها بقفل قدي و منعنا منعا بتا نقرب منه حتي مش ندخله بس انا خلاص مش قادره فضولي هيموتني بقالي اسبوع بخطط للجريمة الشنيعه ديه و ها قد دقت ساعه الصفر .
كنت عماله قاعده بخطف نظرات عليهم كده عشان اشوفهم هيمشوا امتي بقي لحد ما لاقيتهم جايين عليا فعملت نفسي مشغوله في كتابه البحث بصوا عليا شويه كده حسيتهم شاكين فيا من حقهم صراحه ده مفيش تجمع عائلي يعدي الا و لازم اكون هناك اول واحده انشلله يكون عليا امتحان بكره اكيد روح الدحيحه منزلتش عليا مره واحده ياا رب بقي يمشوا و يخلصوا بدل جو المباحث اللي انا قاعده فيه ديه و آخيرا بابا اتكلم بالجمله اللي منتظراها بقالي ساعه
: يعني خلاص آخر كلام مش جايه
:اه يا حج مش جايه
:اكيد
كنت بحاول اتحكم في الحماس بتاعي شويه عشان متفضحش و كل حاجه بخططلها بقالي عشر تلاف سنه تبوظ : اه اكيد ما انت شايف يا بابا انا مشغوله ازاي مش عارفه هلحق اخلصه امتي ده كمان
ماما بصتلي بصه مريبه كده قلب الام بقي بس برده مش هتهز و هفضل علي موقفي بصيت قادمي علي اللابتوب بسرعه قبل ما اتفضح و بعد كده لقيتهم خارجين من الشقه و قفلوا الباب وراهم اول ما الباب اتقفل روحت اتنطرت من علي الكرسي و انا عماله ارقص زي الهبله و بعد كده جريت علي الموبايل ارن علي باقي العصابه و قالولي انهم خلاص وصلوا و فعلا معداش عشر دقايق و لقيت حد بيخبط علي الباب روحت افتحلهم جري
:يلا ادخلوا بسرعه
دخلواو بعد كده قفلت الباب بالمفتاح من جوا و بصتليهم بنظره تحذير
:اوعي يكون حد شك فيكوا و ياريت تكونوا ألفتوا حج تتصدق عشان متفضحوناش الله يفضحكوا
ردت بنت عمتي ريتاج بثقه بخاف ديما منها : متخافش يا كبير كله تحت السيطرة
:والله ما خافيه الا منك الثقه ديه مبيجيش وراها غير المصايب
: تؤ الله ما قولتلك اطمني بقي و خلصي يلا نطلع عشان خلاص مش قادره استني اكتر من كدا
بصيت لعمر اللي ساكت من ساعت ما دخل ده مبيتكلمش مش من عاده يعني يفضل ساكت
: و انت يا عم الحج عملت ايه
: بس يا ماما انت هبله بتسأليني انا عملت ايه ده انا اللي معلمكوا
:متقولش معلمنا السيره النبوية ده انت معلمنا الفساد يا معلم ده انا كنت كيوت بص حولتني ازاي
رد عليا و حسيت بسخريه في كلامه او انا متاكده مش حاسه : كيوت اه علي يدي يا ماما
كنت لسه هرد عليه و هجيبه من شعره اللي فرحنلي بيه ده و هو كيرلي قمر كده لولا ريتاج وقفت بينا و هي بتسكتنا عشان احنا لو بدأنا مش هنسكت من هنا للصبح : خلااص الله يخرب بيتكوا خلونا نخلص قبل ما يجوا و كل حاجه تبوظ بسبب الهبل بتعاكوا
عدلت من وقفتي و مظهري و انا بعيد لنفسي وقارها اللي مش موجود ده : ماشي خلاص يلا بينا
طلعت و هما طلعوا ورايا و طلعت نسخه المفتاح من جيبي اللي عملتها بعد ما سرقت المفتاح من بابا و روحت عملت منه نسخه و ده اللي خلاهم يسيبوني لانهم واخدين المفاتيح ميعرفوش ان معاهم عصابه في البيت فتحت الباب براحه عشان يعني اصرار بابا و ماما ان ميدخلوناش الصندره برده خلاني افكر في افكار متخلفه طبعا انتوا عارفينها آلفت سنريوهات عظمه والله بس البغل اللي اسمه عمر زق الباب و دخل بصلي و هو فاتح دراعه
: شوفتي سهله ازاي ديه لسه بتفتحلي سنتي سنتي
انا كنت ماسكه نفسي بالعافيه من ان اروح دلوقتي افتحله دماغه الكائن المستفز ده دخلت انا و ريتاج روايا و فضلنا نلف في الصندره و طبعا كان معانا كشافات عشان كانت الدنيا ضلمه جدا مكنش فيه حاجه غريبه يعني او ملفته للنظر تخلينا نعمل كل التخطيط و التكتكه ديه عشانه حسيتهم عاوزين يولعوا فيا
:في ايه بتبصولي كده ليه و انا ايش عرفني انا
ثانيه واحده ده جاي عليا لا ونبي انا لسه صغيره و معملتيش حاجه في حياتي طب استني اتوب عن المصايب اللي عملتها في حياتي طب الحقوني ده لسه بيقرب استجمعت قوتي ايه ما هي مش سايبه هي لا ده انا جامده و جامده اوي كمان رفعت ايدي و انا بحذره و طبعا من جوايا هموت من الرعب ده قدي مرتين
: لو قربت اكتر من كده هتزعل هتزعل اوي كمان انا مش عار......
ايه ده ثانيه يا جماعه ده مطلعش جاي نحيتي اصلا ده عدا من جمبي و راح ناحيه علبه كده مليانه تراب مش باين حاجه فيها من كتر التراب اللي عليها بصيت له بستغراب ايه اللي شد انتباهه يعني في العلبه ديه بصيت لريتاج فرفعت كتفها بمعني انها مش عارفه هي كمان روحت ناحيته و وقفت جمبه و ريتاج واقفه من الناحيه التانيه و هو مسك العلبه المجهوله ديه و نفخ التراب من عليه بدات تظهر شكل العلبه مد ايده لينا و هو لسه باصص علي العلبه اللي في ايده
: هاتوا منديل
راحت ريتاج خرجت من جبها علبه المناديل و ادته مانديل مسح بيه باقي التراب اللي علي العلبه و رحنا بصينا كلنا لبعض بستغراب العلبه شكلها قديم من ايام الفراعنة لونها بني فاتح و مرسوم عليها شخص قاعد ماسك ورق بردي بيكتب عليه بريشه و علبه حبر كان لابس شبه الفراعنة و تحت الصوره مكتوب كلام باللغه الهيروغليفية بصيت انا و عمر لريتاج لان هي بتحب كتب التاريخ اوي و بتقرا عنهم كتير و اكيد بتعرف تقرأ هيروغليفي او عندها فكره بصيتلنا بتردد و خوف : بلاش يا جماعه افردوا طلعت حاجه وحشه احنا منعرفش ايه ده او حتي اللي مكتوب عليه ده هل هيبقي قرار صحيح ان احنا نقرأ ولا خطر
رد عليها عمر و هو باصص علي البتاع ديه بيفحصها : قصدك ان هي ممكن يبقي ليها علاقه بان عمي مش راضي يخلي حد يخش هنا
ريتاج : بالظبط
كنت واقفه عماله ببص عليهم هما الاتنين و مش مقتنعه بالكلام اللي هما بيقلوه : شكلكم بتتفرجوا علي افلام امريكي كتير بطوا عبط مفيش حاجه اسمها كده في الحقيقه ده مجرد خيال و بعدين مش شرط يبقي ليه علاقه بإن بابا و ماما مش راضين يدخلونا هنا اتلاقي ممكن يكونوا حاطين حاجه مهمه خايفين ان احنا نبوظها ما اصل الكلام اللي انتوا بتقولوه ده ميتصدقش ايه هيجيب حاجه زي ديه عندنا اصلا
عمر بص حوليه للمكان و بعد كده بصلي و هو بيتريق علي كلامي مش عارفه ليه ديما بيحب يستفزني و يخليني عاوزه اكسر اي حاجه فوق دماغه: و انت شايفه حاجه مهمه موجوده هنا اصلا ديه كلها كراكيب
رديت عليها و انا مضايقه : و انا ايش عرفني هو انا كنت دخلت هنا قبل كده
رد عليا و هو ضاغط علي سنانه : امال بتفتي ليه
معرفش والله هو مضايق كده ليه هو انا غلط فيه عليت صوتي شويه و انا بتكلم : يعني كلامكم يعني هو اللي يتصدق
بصتلي ريتاج بسرعه : وطي صوتك الله يخرب بيتك
بصيت علي عمر حسيته عاوز يشتمني ما هو اللي بيتريق علي كلامي ايه ده فربعت ايدي قدامي و انا ببص قادمي بنفاذ صبر منهم : يعني انتوا عاوزين ايه دلوقتي نخرج ولا اكن حاجه حصلت يعني انتوا معتقدين هتبقي ايه يعني لعنه الفراعنة مثل...
مكملتش كلامي لان لقينا فجاءة المكان بيتهز انا قلبي اتقبض بصيتلهم بخوف : ايه ده ايه اللي بيحصل زلزال ده ولا ايه
المكان فصل يتهز و اجمد من الاول كمان و بعد كده اللعبه اللي كانت في ايد عمر وقعت علي الارض و اتفتحت كانت متقسمه من جوا لاربع اجزاء جزء فيه ورق كتير صغير الي حد ما الجزء التاني فيه اربع ساعات يد شكلها غريب اوي كانت شاشه و من تحت فيه شاشه تانيه صغيره و جمبها كشاف صغير و الجزء التالت جهاز فيه زراير مكتوب عليها الحروف الهيروغليفية و من فوق متقسم لجزئين جزء فيه ورقه صغيره من البردي و الجزء التاني فيه دايره عليها زي باب قديم من الخشب المتين بس صغير علي مقاسها زي حجم اللعب كده و اخر جزء في اللعبه فيه جهاز رسم الوشوم الهز اللي كان بيحصل وقف كنا واقفين متنحين علي اللعبه قربنا منها بحذر و قعدنا نص قاعده و احنا بنبص علي اللعبه ديه لدرجه ان مخدناش بالنا من اللي دخل و اللي كان يونس ابن عمي احمد جه من ورانا ووقف و هو بيبص يشوف اللي شادد انتبهنا اوي كده عشان محسناش بيه اتخضينا كلنا لما هو اتكلم فجاءة و هو بيقول : بتعملو ايه و ايه اللعبه ديه ولا بتاع ده
حطيت ايدي علي قلبي من الخضه : اه يا هباب البرك فيه حد يخض حد كده
يونس : اخض ايه ده انتوا مش حاسين باللي حواليكوا ده لو كان حرامي دخل الشقه كان زمانه سرق الشقه و اتغدي و اتعشي كمان ده انا عملت فرح العمده تحت و انتوا ولا هنا ايه فيه بقي بتعملوا ايه هنا ده لو عمي عز عرف هيعمل منكوا بوفتيك و ايه البتاع ده
رديت عليه عشان اسكته بدل ما هو نازل رغي من ساعت ما دخل : ايه فيه ايه راديوا ده مش مدينا فرصه ننطق
عمر بصله بشك و هو مغمض عينؤه شويه : امال انت كنت جاي ليه هو فيه حد سأل علينا هناك
يونس : لا ابدا انا اللي خدت المفاتيح من عمي عز بحجه ان نسيت الكتاب بتاعي هنا لما جيتلهم امبارح عشان كنت متاكد انكم هنا بتعملوا مصيبه
عمر : مصيبه ايه احنا مش بنعمل حاجه هو بس كنا عاوزين نخش نشوف الصندره و كنا خارجين
بصيت ليونس ببراءه مصطنعة طبعا : انت طبعا مش هتقول لبابا
يونس : لا طبعا
اتنهدت براحه كمل كلامه بغرور و هو بيبصلنا بنظرات شيطانية
يونس : هقوله
سكت شويه و بعد كدا كمل و هو بيبص علي ايديه ببرود : الا بقي لو لميتوا نفسكوا و حكتيلوا كنتوا بتعملوا ايه و ايه اللعبه بتفصيل الممل عشان الهبل اللي انتوا قولتوه ده مش داخل دماغي صراحه
بصيتله بقرف عيل بارد اكيد لازم يذل الواحد لو معملش كده ميبقاش يونس عمر بصله بتوعد و شاورله يجي جمبنا : طب اتفضل تعالي
رفع يونس ايده بتهديد لعمر : اقسم بالله يا عمر لو لمستني هتزعل اوي عشان انتوا التلاته حياتكوا في ايديا
اتكلمت ريتاج الندله و هو بتقوم من جمبنا و رافعه ايديها : لا و انا مالي يا لمبي هما الاتنين دول اللي عملوا و خططوا و نفذوا بتلبسني معاهم ليه
بصيتلها بصدمه : اه يا ندله يعني مش انت اللي كنت هتموتي و تدخلي الصندره
شاروت ريتاج علي نفسها بصدمه : انا انا عملت كده بطلي افترا بقي علي خلق الله
كنت لسه هقوم اديها علقها محترمه راح عمر مسكني بسرعه : اهدي يا بنت هتجيبلنا نصيبه و انت كمان ما انت عارفه انها مجنونه هتديكي علقه تدخلك الانعاش
بصيتلها بغضب و انا بحاول اتفك ايد عمر : سيييبني سيبني عليها الكلبه ديه
رفع يونس ايده عشان يسكتنا : بس بس فيه ايه و بعدين متوهوش الموضوع و اخلصوا بدل ماروح اقولهم و انت عارفيني هعملها
بصيت لعمر و انا بشاور عليهم : بص بذمتك مش دول يستهلوا ضرب الجزم
هز راسه : معلش خليها عليكي المره ديه عشان منتنفخش من ابوكي و ابويا و الجيش اللي هناك
اتنفست بغضب و انا بهدي نفسي : معاك حق
عمر ساب ايدي و بعد كده بص لعمر و شاورله يجي ناحيتنا عشان يشوف اللعبه ديه : ما تخلص ما عم و تيجي مش هعضك انا
جه يونس و قعد قدام اللعبه و ريتاج كمان و حكالوا عمر علي كل حاجه حط يونس ايده علي رأسه و هو متنح : يا نهاركوا اسوح انا ايه اللي جابني يا رب ما انا كنت قاعد بعلب PlayStation كافي خيري شري منكم لله مابيجيش من وراكوا ايه المصايب السودا مش اي مصايب
بصتله و انا شمتانه فيه : مش انت اللي كنت عمال بتذل امنا عشان تعرف اديك عرفت اشرب بقي
مردش عليا و بص لعمر بتوتر : طب انتوا هتعملوا ايه دلوقتي و عرفتوا ايه البتاعه ديه ولا لسه
عمر كان لسه هيتكلم رحت قاطعته و انا برد بسرعه : لا ما ريتاج و عمر مش خايفين يقروا الىي مكتوب علي العلبه
قولت اخر حته و انا بتريق عليهم
عمر بصلي بنفاذ صبر مني و من عمايلي و هو بيوجه كلامه ليونس : لا بس بعد اللي حصل ده المفرود نقرأ عشان نفهم ايه اللي حصل و ايه الجهاز او اللعبه ديه
بعد ما عمر خلص كلامه بصينا كلنا لريتاج اللي كانت مرعوبه و حاجه في دماغها افكار متخلفه : لا انا مليش دعوه بالموضوع ده خرجوني انا انتوا بتلعبوا في عداد عمركوا
بصتلاها بطرف عيني علي اللي تهؤات اللي هتودينا في داهيه و كملت بهزار سمج : و انت بتلعبي في عداد المياه ههه
كلهم بصولي حسيت انهم هيقتلوني من نظراتهم مو صراحه معاهم حق مس وقته خالص الهزار بس اعمل ايه انا مش بعرف لازم ادخل الهزار في النص احشره كده : اسفه كملوا
يونس راح ناحيه ريتاج و وقف قصادها اصل هو الوحيد اللي بيعرف يقنعها و اتكلم بهدوء و ريتاج بصتله : انا عارف انك خايفه ليكون لعنه او سحر او اي حاجه من بتاعه الافلام ديه بس احنا لازم نفهم احنا في ايه و ايه اللي السبب في الهزه ديه عشان منتفاجش بعدين بحاجات مش هنعرف نفسرها
ريتاج بصت في الارض و اتنهدت و بعد كده هزتله رسها بماشي
خبطت عمر في بكتفي و انا لسه ببصلهم : انا شامه ريحه حاجه مش مطمنه
عمر بصلي و رفع حواجبه : مش لازم المهم يخلصونا بقي عشان انا زهقت
طبطب علي كتفي ببرود : و بطلي تفكري كتير عشان دماغك متروحش بعيد
بصيتله بغيظ : و انت مالك افكر براحتي
ابتسم ابتسامه جانبيه و مشي من جمبي و انا حاسه ان بطلع دخان من رخامته ديه
اتجمعنا كلنا حوالين اللعبه ديه تاني و ريتاج مسكتها و بقت تقرأ اللي مكتوب عليها بصوت عالي عشان كلنا نسمع : هل تظن انك قد اتيت الي هنا بقدمك او عن طريق الخطأ اذا اريد ان اخبرك عزيزي انك مخطأ فلقد تم اختيارك من قبل اللعبه لعبه لعنه العلياء (لعنه المقدمة) و لن تستطيع الخروج من هذه اللعبه الا عندما نأذن نحن لك بذلك و بالنهاية اريد ان اقول لكم مرحبا بكم ايها المحققين في فريقنا فريق سفراء الخيال
كلنا فضلنا باصين قدمنا للاشئ مش بنتحرك ولا سنتي اكننا اتكهربنا الكلام ده نزل علينا زي الميا الساقعه في عز البرد يعني ايه اللي بيتقال ده انا مش مصدقه اكيد ده حلم او كابوس لا يا ربي اصل مفيش حاجه اسمها لعنه و الكلام ده في الحقيقه اكيد انا هصحي دلوقتي و اكتشف ان ده حلم اسوء حلم شوفته في حياتي انا متاكده لا يا ربي لا بعد ما ريتاج خلصت حسيت بحاجه بتوجعني اوي في دراعي و جهاز الوشم اللي في العلبه اشتغل اكنه بيرسم علي جسم حد بس في مكانه ايه ده لا ده الوجع بدأ يزيد مش قادره آلم فظيع بصيتلهم كلهم لقيتهم ماسكين دراعهم برده عمر مغمض عينيه جامد عشان ميظهرش انها بتوجعه و بيضغط علي دراعه بكل قوته و يونس عمال يحك في مكان الوجع و هو مش قادر و ريتاج بتعيط و انا مش قادره خلاص و فجاءة الوجع راح بصينا كلنا علي ايدينا و اتصدمنا بصينا لبعض و نزلنا جري من الصندره و قفلناها و كل واحد روح بيته و هو بيتمني ان كل ده يطلع مجرد كابوس دخلت اوضتي و انا جوايا رعب مش قادره اوصفه حاسه ان بترعش و معداش ربع ساعه و رحت في النوم
_______________________________
صحيت من النوم و انا بتمني من كل قلبي ان اللي حصل امبارح ده ميكونش حقيقيه كنت طول الليل مش عارفه انام حاولت كذا مره انام عشان ابطل افكر في الموضوع بس كل محاولاتي فشلت دخلت الحمام خدت دش سريع و بعد كده روحت عند الحوض عشان اتوضي غسلت وشي و برفع راسي لقيت مكتوب علي مرايه لا ده محفور (لا تحاولي فلن تستطيعي الهروب لقد اصبتي باللعنه ) رجعت خطوه لورا لما شوفت اللي مكتوب و انا هموت من الخوف بصيت علي دراعي لقيت الوشم لسه مرسوم (لعنه العلياء) تحتها ريشه انا خرجت جري من الحمام غيرت هدومي للبس خروج و اتصلت بعمر و يونس و ريتاج و اتفقنا ان احنا نتقابل في كافيه نزلت و قولت لبابا ان انا خارجه و خدت مفاتيح العربيه و روحت علي الكافيه اللي اتفقنا نتقابل فيه وصلنا كلنا و دخلنا قعدنا في مكان بعيد شويه عم الناس و بدأنا نتكلم و كل واحد يقول حصل معاه ايه و بدأت انا حكيتلهم اللي حصل معايا انهارده الصبح و بعد كده يونس بدأ يحكي : انا محصلش معايا حاجه و لما انت اتصلتي بينا انا استغربت لان انا كان كل حاجه طبيعيه عادي و لكن و انا جاي هنا لما خرجت عشان اركب العربيه لقيت عليها تراب استغربت لان انا كنت لسه غسلها امبارح بصيت علي كبوت العربيه لقيت مكتوب (الوقت ليس بصالحكم امامكم حتي الليل و ستبدأ حياتكم تنقلب الي الاسوأ ان لم تنفذوا ما طلب منكم ) تجاهلت الموضوع قولت يمكن عيل صغير هو اللي عمل كده او اي حد بيلعب و خلاص و لكن لما انتوا قولتوا انتوا كمان ان حصل معاكم حاجات زي كده و كمان ان الوشم لسه مرسوم علي دراعي ساعتها اتاكدت ان ده مش حد بيلعب و ان ديه اللعبه فعلا
سكت يونس و ريتاج بدأت تحكي : انا كنت قاعده بفطر عادي في الجنينه و بعد كدا لقيت ماما جايه و بتقولي ان الرساله ديه جايه باسمي من البريد استغربت لان مين لسه لحد دلوقتي بيبعت لحد في البريد فتحتها و لقيت مكتوب فيها (ليس عليكم سوي تنفيذ التعليمات المرسله لكم عن طريق الساعه و حسب و لكن ان استمريتم علي رفضكم فلويل لكم سيحل عليكم عضبنا و لن تستطيعوا الفرار منا الي اي مكان )
كان كل ما حد يحكي بنتاكد اكتر من شكوكنا و ان ديه مش مجرد لعبه عديه و ان احنا بقينا في كارثه لازم نلاقلها حل في اسرع وقت
بدأ عمر يحكي هو كمان اللي قرر ان يبقي آخر واحد يحكي بعد ما يسمعنا كلنا : انا بقي غيركم انتم كنتم تهديد عن طريق الرسايل اما انا فكان التهديد صريح كنت خارج اوصل جني المول عشان هتشتري شويه حاجات قبل ما اجيلكم هنا لبست قبليها و كنت مستنيها تحت قدام البيت و بعد كده لقيت رساله اتبعتيتلي عىي الموبايل من رقم مجهول مكتوب فيها (العقاب لن يبدأ بكم بل بمن حولكم من احباء لذا فكونوا حذرين و اتخذوا قراركم قبل فوات الاوان نحن الان نحذركم فقط بالكلام المره المقبله لا يوجد مزيد من الكلام ) بعد كده بصيت بسرعه علي جني لقيتها خارجه من البيت و واحده من الزهريات اللي محطوطه لي البلكونه وقعت من البلكونه معرفش ازاي جريت بسرعه عليها و شدتها بعيد و الزهريه وقعت علي الارض اتكسرت
بلعت ريقي بخوف بعد ما عمر حكي سكتنا كلنا شويه و بعد كده ريتاج اتكلمت : انا من شايفه ان احنا لازم ننفذ التعليمات و خلاص لان واضح من كل اللي حصل معانا ده ان هما فعلا هينفذوا تهديدهم و مش هنعرف نعمل حاجه بالذات ان العقاب هيبدأ باقرب الناس لينا مش بينا
هزيت رأسي و انا بأيد كلام ريتاج : انا كمان شايفه كده
عمر : احنا كده بنورط نفسنا اكتر
يونس : احنا اتورطنا و انتهي الامر دلوقتي لازم نلاقي حلول لان احنا خلاص بقينا قصاد الامر الوقع ولازم ناخد قرار بسرعه لان مش قدمنا وقت طويل
كملت كلام علي كلام يونس : يمكن لما نوافق و ننفذ تعليمات اللعبه نقدر نلاقي طريقه ننهي بيها اللعنه ديه
ريتاج : بالظبط
اتنهد عمر بيأس لان احنا خلاص مش قدمنا حل تاني : معاكوا حق خلاص موافق هنعمل ايه دلوقتي
بمجرد ما عمر قال ان هو موافق كده بقينا كلنا موافقين ان احنا نبدأ في اللعبه لقينا حاجه بتنور في ايد كل واحد فينا شمرنا ايدينا لقينا الاربع ساعات اللي كانوا موجودين في اللعبه كل واحد لابس واحده و مكتوب علي الشاشه (اهلا بكم الان يمكن ان نقول ان رحلتكم قد بدأت بكونكم سفراء المقدمه هيظهر الان لكل واحد منكم علي الشاشه المكان الذي يجب عليه التوجه اليه ليجد ورقته الخاصه الذي سيكون مكتوب عليها حرف ان حرفين او كلمه و بعد انا يجد كل منكم ورقته الخاصه سيكتب الحرف او الكلمه المكتوبه علي الورقه علي ساعته الخاصه بعدها ستظهر له رساله يجب ان تجتمعوا جميعكم و تذهبوا الي اي مكان اثري او بالقرب من آثار و يقرأ كل منكم الرساله التي ارسلت اليه علي ساعته الخاصه و بذلك قد انتهيتم من اول مهمه بالتوفيق لكم )
و من هنا تبدأ رحلتها مع ابطال لعنه العلياء سفراء المقدمة.
